||Vishnu Sahasranamam ||
|| viṣṇusahasranāma stōtram||
|| Om tat sat ||
Sloka Text in Telugu , Kannada, Gujarati, Devanagari, English
||ōm tat sat||
|| viṣṇusahasranāma stōtram||
dhyānam
ōṁ śuklāmbaradharaṁ viṣṇuṁ
śaśivarṇaṁ caturbhujam|
prasannavadanaṁ dhyāyēt
sarvavighnōpaśāntayē||1||
śāntākāraṁ bhujagaśayanaṁ
padmanābhaṁ surēśaṁ|
viśvādhāraṁ gagana sadr̥śaṁ
mēghavarṇaṁ śubhāṅgaṁ||
lakṣmīkāntaṁ kamalanayanaṁ
yōgibhir dhyānagamyaṁ|
vandē viṣṇuṁ bhavabhayaharaṁ
sarvalōkaika nādham||
saśaṁkha cakraṁ sakirīṭakuṇḍalaṁ
sapīta vastraṁ sarasīruhēkṣaṇaṁ|
sahāra vakṣaḥsthala kaustubhaśriyaṁ
namāmi viṣṇuṁ śirasā caturbhujaṁ||
vyāsaṁ vasiṣṭha naptāraṁ
śaktēḥ pautramakalmaṣaṁ|
parāśarātmajaṁ vandē
śukatātaṁ tapōnidhiṁ||3||
vyāsāya viṣṇu rūpāya
vyāsarūpāya viṣṇavē|
namō vai brahma nidhayē
vāsiṣṭhāya namō namaḥ||4||
avikārāya śuddhāya
nityāya paramātmanē|
sadaika rūpa rūpāya
viṣṇavē sarva jiṣṇavē||5||
yasya smaraṇa mātrēṇa
janma saṁsāra bandhanāt |
vimucyatē namastasmai
viṣṇavē prabhaviṣṇavē||6||
ōṁ namō viṣṇavē prabhaviṣṇavē||
śrīvaiśampāyana uvāca||
śrutvā dharmān aśēṣēṇa
pāvanānica sarvaśaḥ|
yudhiṣṭhiraḥ śāntanavaṁ
punarēvābhya bhāṣata ||7||
yudhiṣṭhira uvāca|
kimēkaṁ daivataṁ lōkē
kiṁvā:'pyēkaṁ parāyaṇaṁ|
stuvantaḥ kaṁ kamarcantaḥ
prāpnuyurmānavāḥ śubhaṁ||8||
kōdharmaḥ sarvadharmāṇāṁ
bhavataḥ paramō mataḥ|
kiṁ japan mucyatē jantur
janma saṁsāra bandhanāt ||9||
śrībhīṣma uvāca|
jagatprabhuṁ dēvadēvaṁ
anantaṁ puruṣōttamaṁ|
stuvannāma sahasrēṇa
puruṣaḥ satatōtthitaḥ||10||
tamēva cārcayan nityaṁ
bhaktyā puruṣamavyayaṁ|
dhyāyan stuvan namasyaṁca
yajamānastamēva ca||11||
anādi nidhanaṁ viṣṇuṁ
sarvalōka mahēśvaraṁ|
lōkādhyakṣaṁ stuvan nityaṁ
sarvaduḥkhātigō bhavēt||12||
brahmaṇyaṁ sarvadharmajñaṁ
lōkānāṁ kīrti vardhanaṁ|
lōkanādhaṁ mahadbhūtaṁ
sarvabhūta bhavōdbhavam||13||
ēṣamē sarva dharmāṇāṁ
dharmō:'dhika tamō mataḥ|
yadbhaktyā puṇḍarīkākṣaṁ
stavairarcēn naraḥ sadā||14||
paramaṁ yō mahattējaḥ
paramaṁ yō mahattapaḥ|
paramaṁ yō mahadbrahma
paramaṁ yaḥ parāyaṇam||
pavitrāṇāṁ pavitraṁ yō
maṅgaḷānāṁ ca maṅgaḷaṁ|
daivataṁ dēvatānāṁ ca
bhūtānāṁ yō:'vyayaḥ pitā ||16||
yataḥ sarvāṇi bhūtāni
bhavantyādi yugāgamē|
yasmiṁśca praḷayaṁ
yānti punarēva yugakṣayē|| 17||
tasyalōka pradhānasya
jagannādhasya bhūpatē|
viṣṇornāma sahasraṁ mē
śruṇu pāpa bhayāpaham|| 18||
yāni nāmāni gauṇāni
vikhyātāni mahātmanaḥ|
r̥ṣibhiḥ parigītāni
tāni vakṣyāmi bhūtayē|| 19||
r̥ṣirnāmnāṁ sahasrasya
vēdavyāsō mahāmuniḥ|
chandō:'nuṣṭup tathā dēvō
bhagavān dēvakī sutaḥ||20||
amr̥tāṁ śūdbhavō bījaṁ
śaktirdēvakinandanaḥ|
trisāmā hr̥dayaṁ tasya
śāntyarthē viniyujyata||21||
viṣṇuṁ jiṣṇuṁ mahāviṣṇuṁ
prabhaviṣṇuṁ mahēśvaraṁ|
anēka rūpa daityāntaṁ
namāmi puruṣōttamam||22||
|| atha viṣṇusahasranāmam ||
stōtram
hariḥ ōm
viśvaṁ viṣṇur vaṣaṭkārō
bhūta bhavyabhavat prabhuḥ|
bhūtakr̥t bhūtabhr̥dbhāvō
bhūtātmā bhūtabhāvanaḥ|| 1||
pūtātmā paramātmā ca
muktānāṁ paramāgatiḥ
avyayaḥ puruṣaḥ sākṣī
kṣētrajñō:'kṣara ēva ca||2||
yōgōyōgavidāṁ nētā
pradhāna puruṣēśvaraḥ
nārasiṁhavapuḥ śrīmān
kēśavaḥ puruṣōttamaḥ|| 3||
sarvaḥ śarvaḥ śivaḥ sthāṇur
bhūtādhir nidhiravyayaḥ||
sambhavō bhāvanō bhartā
prabhavaḥ prabhurīśvaraḥ|| 4||
svayaṁbhūḥ śambhurādityaḥ
puṣkarākṣō mahāsvanaḥ|
anādi nidhanō dhātā
vidhātā dhāturuttamaḥ||5||
apramēyō hr̥ṣīkēśaḥ
padmanābhō:'maraprabhuḥ|
viśvakarmā manustvaṣṭhā
sthaviṣṭhaḥ sthavirō dhruvaḥ||6||
agrāhyaḥ śāśvatō kr̥ṣṇō
lōhitākṣaḥ pratardanaḥ|
prabhūtastrikakubdhāma
pavitraṁ maṅgaḷaṁ param||7||
īśānaḥ prāṇadaḥ prāṇō
jyēṣṭhaḥ śrēṣṭhaḥ prajāpatiḥ|
hiraṇyagarbhō bhūgarbhō
mādhavō madhusūdanaḥ||8||
īśvarō vikramīdhanvī
mēdhāvī vikramaḥ kramaḥ|
anuttamō durādharṣaḥ
kr̥tajñaḥ kr̥tirātmavān ||9||
surēśaḥ śaraṇaṁ śarma
viśvarētāḥ prajābhavaḥ|
ahassaṁvatsarō vyālaḥ
pratyaya sarvadarśanaḥ||10||
ajassarvēśvaraḥ siddhaḥ
siddhiḥ sarvādiracyutaḥ|
vr̥ṣākapiramēyātmā
sarvayōga vinissr̥taḥ||11||
vasurvasumanāḥ satyaḥ
samātmā sammitassamaḥ||
amōghaḥ puṇḍarīkākṣō
vr̥ṣakarmā vr̥ṣākr̥tiḥ||12||
rudrō bahuśirā babhruḥ
viśvayōniḥ śuciśravāḥ|
amr̥taḥ śāśvatasthāṇur
varārōhō mahātapāḥ||13||
sarvagaḥ sarva vidbhānur
viṣvaksēnō janārdanaḥ|
vēdō vēdavidavyaṅgō
vēdāṅgō vēdavitkaviḥ|| 14||
lōkādhyakṣaḥ surādhyakṣō
dharmādhyakṣaḥ kr̥tākr̥taḥ|
caturātmā caturvūhaḥ
caturdaṁṣṭraścaturbhujaḥ||15||
bhrājiṣṇurbhōjanaṁ bhōktā
sahiṣṇurjagadādijaḥ|
anaghō vijayō jētā
viśvayōniḥ punarvasuḥ||16||
upēndrō vāmanaḥ prāṁśuḥ
amōghaḥ śucirūrjitaḥ|
atīndraḥ saṅgrahaḥ sargō
dhr̥tātmā niyamō yamaḥ||17||
vēdyō vaidyaḥ sadāyōgī
vīrahā mādhavō madhuḥ|
atīndriyō mahāmāyō
mahōtsāhō mahābalaḥ||18||
mahābuddhirmahāvīryō
mahāśaktirmahādyutiḥ|
anirdēśyavapuḥ śrīmān
amēyātmā mahādridhr̥k||19||
mahēśvāsō mahībhartā
śrīnivāsaḥ satāṅgatiḥ|
aniruddhaḥ surānandō
gōvindō gōvidāṁ patiḥ||20||
marīcirdamanō haṁsaḥ
suparṇō bhujagōttamaḥ|
hiraṇya nābhaḥ sutapāḥ
padmanābhaḥ prajāpatiḥ||21||
amr̥tyuḥ sarvadr̥k siṁhaḥ
sandhātā sandhimān sthiraḥ|
ajō durmarṣaṇaḥ śāstā
viśrutātmā surāriha|| 22||
grururgurutamō dhāma
satyaḥ satya parākramaḥ|
nimiṣō:'nimiṣaḥ sragvī
vācaspati rudāradhīḥ||23||
agraṇīgrāmaṇīḥ śrīmān
nyāyō nētā samīraṇaḥ|
sahasramūrdhā viśvātmā
sahasrākṣaḥ sahasrapāt ||24||
āvartanō nivr̥tātmā
saṁvr̥taḥ sampramardanaḥ |
ahaḥ saṁvartakō vahniḥ
anilō dharaṇī dharaḥ||25||
suprasādaḥ prasannātmā
viśvadhr̥g viśvabhug vibhuḥ|
satkartā satkr̥taḥ sādhuḥ
jahnurnārāyaṇō naraḥ|| 26||
asaṅkhyēyō:'pramēyātmā
viśiṣṭhaḥ śiṣṭhakr̥ccuciḥ|
siddhārdhaḥ siddhasaṅkalpaḥ
siddhidaḥ siddhi sādhanaḥ||27||
vr̥ṣāhī vr̥ṣabhō viṣṇur
vr̥ṣaparvā vr̥ṣōdaraḥ|
vardhamānō vardhamānaśca
viviktaḥ śrutisāgaraḥ||28||
subhujō durdharō vāgmī
mahēndrō vasudō vasuḥ|
naikarūpō br̥hadrūpaḥ
śipiviṣṭhaḥ prakāśanaḥ||29||
ōjastējō dyutidharaḥ
prakāśātmā pratāpanaḥ|
r̥ddhaḥ spaṣṭākṣarō mantraḥ
candrāṁśurbhāskaradyutiḥ||30||
amr̥tāṁśūdbhavō bhānuḥ
śaśabinduḥ surēśvaraḥ|
auṣadhaṁ jagataḥ sētuḥ
satyadharma parākramaḥ||31||
bhūta bhavyabhavannāthaḥ
pavanaḥ pāvanō:'nalaḥ|
kāmahā kāmakr̥tkāntaḥ
kāmaḥ kāmapradaḥ prabhuḥ|| 32|
yugādi kr̥tyugāvartō
naikamāyō mahāśanaḥ|
adr̥śyō vyaktarūpaśca
sahasrajidanantajit||33||
iṣṭō:'viśiṣṭhaḥ śiṣṭēṣṭaḥ
śikhaṇḍī nahuṣō vr̥ṣaḥ|
krōdhahā krōdhakr̥tkartā
viśvabāhurmahīdharaḥ||34||
acyutaḥ prathitaḥ prāṇaḥ
prāṇadō vāsavānujaḥ|
apāṁ nidhiradhiṣṭhānaṁ
apramattaḥ pratiṣṭhitaḥ||35||
skandhaḥ skandhadharō dhuryō
varadō vāyu vāhanaḥ|
vāsudēvō br̥hadbhānuḥ
ādidēvaḥ purandaraḥ||36||
aśōkastāraṇastāraḥ
śūraḥ śaurirjanēśvaraḥ|
anukūlaḥ śatāvartaḥ
padmī padmanibēkṣaṇaḥ||37||
padmanābhō:'ravindākṣaḥ
padmagarbhaḥ śarīrabhr̥t|
mahardhirr̥ddhō vr̥ddhātmā
mahakṣō garuḍa dhvajaḥ||38||
atulaḥ śarabhō bhīmaḥ
samayajñō havirhariḥ|
sarvalakṣaṇa lakṣaṇyō
lakṣmīvān samitiñjayaḥ||39||
vikṣarō rōhitō mārgō
hēturdāmōdaraḥ sahaḥ|
mahīdharō mahābhāgō
vēgavānamitāśanaḥ ||40||
udbhavaḥ kṣōbhaṇō dēvaḥ
śrīgarbhaḥ paramēśvaraḥ|
karaṇaṁ kāraṇaṁ kartā
vikartā gahanō guhaḥ||41
vyavasāyō vyavasthānaḥ
saṁsthānaḥ sthānadō dhruvaḥ|
pararthiḥ paramaspaṣṭhaḥ
tuṣṭaḥ puṣṭaḥ śubēkṣaṇaḥ||42||
rāmō virāmō virajō
mārgōnēyō nayō:'nayaḥ|
vīraḥ śaktimatāṁ śrēṣṭhō
dharmō dharma viduttamaḥ||43||
vaikuṇṭhaḥ puruṣaḥ prāṇaḥ
prāṇadaḥ praṇavaḥ pr̥thuḥ|
hiraṇya garbhaḥ śatr̥ghnō
vyāptō vāyu radhōkṣajaḥ||44||
r̥tuḥ sudarśanaḥ kālaḥ
paramēṣṭhī parigrahaḥ|
ugraḥ saṁvatsarō dakṣō
viśrāmō viśva dakṣiṇaḥ||45||
vistāraḥ sthāvarasthāṇuḥ
pramāṇaṁ bījamavyayam|
arthō:'narthō mahākōśō
mahābhōgō mahādhanaḥ||46||
anirviṇṇaḥ sthaviṣṭhō bhūt
dharmayūpō mahāmakhaḥ|
nakṣatra nēmīrnakṣatrī
kṣamaḥ kṣāmaḥ samīhanaḥ||47||
yajña ijyō mahējyaśca
kratuḥ satraṁ satāṅgatiḥ|
sarvadarśī vimuktātmā
sarvajñō jñānamuttamaṁ||48||
suvrataḥ sumukhaḥ sūkṣmaḥ
sughōṣaḥ sukhadaḥ suhr̥t|
manōharō jitakrōdhō
vīrabhāhurvidāraṇaḥ||49||
svāpanaḥ svavaśō vyāpī
naikātmā naika karmakr̥t|
vatsarō vatsalō vatsī
ratnagarbhō dhanēśvaraḥ||50||
dharmagub dharmakrud dharmī
sadasat kṣaramakṣaram|
avijñātā sahasrāṁśuḥ
vidhātā kr̥ta lakṣaṇaḥ||51||
gabhistinēmī sattvasthaḥ
siṁhōbhūta mahēśvaraḥ|
ādidēvō mahādēvō
dēvēśō dēvabhr̥dguruḥ||52||
uttarō gōpatirgōptā
jñānagamyaḥ purātanaḥ|
śarīra bhūtabhr̥d bhōktā
kapīndrō bhūri dakṣiṇaḥ||53||
sōmapō:'mr̥tapaḥ sōmaḥ
purujit purusattamaḥ|
vinayō jayaḥ satyasandhō
dāśārhaḥ sātvatāṁ patiḥ||54||
jīvō vinayitā sākṣī
mukundō:'mita vikramaḥ|
ambōnidhiranantātmā
mahōdadhi śayōntakaḥ||55||
ajōmahārhaḥ svābhāvyō
jitāmitraḥ pramōdanaḥ|
ānandō:'nandanōnandaḥ
satya dharmā trivikramaḥ||56||
maharṣiḥ kapilācāryaḥ
kr̥tajñō mēdinīpatiḥ|
tripadastridaśādhyakṣō
mahāśr̥ṅgaḥ kr̥tāntakr̥t||57||
mahāvarāhō gōvindaḥ
suṣēṇaḥ kanakāṅgadī|
guhyō gabhīrō gahanō
guptaścakra gadādharaḥ|| 58||
vēdhāḥ svāṅgō:'jitaḥ kr̥ṣṇō
dr̥ḍhaḥ saṅkarṣaṇō:'cyutaḥ |
varuṇō vāruṇō vr̥kṣaḥ
puṣkarākṣō mahāmanāḥ || 59 ||
bhagavān bhagahā:':'nandī
vanamālī halāyudhaḥ |
ādityō jyōtirādityaḥ
sahiṣṇurgatisattamaḥ || 60 ||
sudhanvākhaṇḍaparaśuḥ
dāruṇō draviṇapradaḥ|
divaḥ spr̥k sarvadr̥gvyāsō
vācaspatirayō nijaḥ||61||
trisāmā sāmagaḥ sāma
nirvāṇaṁ bhēṣajaṁ bhiṣak |
sanyāsakr̥cchamaḥ śāntō
niṣṭhā śāntiḥ parāyaṇam| 62 ||
śubhāṅgaḥ śāntidaḥ sraṣṭā
kumudaḥ kuvalēśayaḥ|
gōhitō gōpatirgōptā
vr̥ṣabhākṣō vr̥ṣapriyaḥ||63||
anivartī nivr̥tātmā
saṁkṣēptā kṣēmakr̥cchivaḥ|
śrīvatsavakṣāḥ śrīvāsaḥ
śrīpatiḥ śrīmatāṁ varaḥ||64||
śrīdaḥ śrīśaḥ śrīnivāsaḥ
śrīnidhiḥ śrīvibhāvanaḥ|
śrīdharaḥ śrīkaraḥ śrēyaḥ
śrīmān lōkatrayāśrayaḥ||65||
svakṣaḥ svaṅgaḥ śatānandō
nandirjyōtirgaṇēśvaraḥ|
vijitātmā:'vidhēyātmā
satkīrtiḥ chinnasaṁśayaḥ||66||
udīrṇaḥ sarvataścakṣuḥ
anīśaḥ śāśvatasthiraḥ|
bhūśayō bhūṣaṇō bhūtir
viśōkaḥ śōkanāśanaḥ||67||
arciṣmānarcitaḥ kumbhō
viśuddhātmā viśōdhanaḥ|
aniruddhō:'pratirathaḥ
pradyumnō:'mitavikramaḥ||68||
kālanēminihā vīraḥ
śauriḥ śūrajanēśvaraḥ|
trilōkātmā trilōkēśaḥ
kēśavaḥ kēśihā hariḥ||69||
kāmadēvaḥ kāmapālaḥ
kāmī kāntaḥ kr̥tāgamaḥ|
anirdēśyavapurviṣṇuḥ
vīrō:'nantō dhanaṁjayaḥ||70||
brahmaṇyō brahmakr̥d brahma
brahma brahmavivardhanaḥ|
brahmavid brāhmaṇō brahmī
brahmajñō brāhmaṇa priyaḥ||71||
mahākramō mahākarmā
mahatējā mahōragaḥ|
mahākraturmahāyajvā
mahāyajñō mahāhaviḥ||72||
stavyaḥ stavapriyaḥ stōtraṁ
stutiḥ stōtā raṇapriyaḥ|
pūrṇaḥ pūrayitā puṇyaḥ
puṇyakīrtiranāmayaḥ||73||
manōjavastīrthakarō
vasurētā vasupradaḥ|
vasupradō vāsudēvō
vasurvasumanā haviḥ||74||
sadgatiḥ satkr̥tiḥ sattā
sadbhūtiḥ satparāyaṇaḥ|
śūrasēnō yaduśrēṣṭhaḥ
sannivāsaḥ suyāmunaḥ||75||
bhūtavāsō vāsudēvaḥ
sarvāsunilayō:'nalaḥ|
darpahā darpadā dr̥ptō
durdharō:'thāparājitaḥ||76||
viśamūrtirmahāmūrtiḥ
dīptamūrtiramūrtimān||
anēkamūrtiravyaktaḥ
śatamūrtiḥ śatānanaḥ||77||
ēkō naikaḥ savaḥ kaḥ kiṁ
yattat padamanuttamaṁ|
lōkabandhurlōkanāthō
mādhavō bhaktatsalaḥ||78||
suvarṇavarṇō hēmāṅgō
varāṅgaścandanāṅgadī |
vīrahā viṣamaḥ śūnyō
ghr̥tāśīracalaścalaḥ || 79 ||
amānī mānadō mānyō
lōkasvāmī trilōkadhr̥k|
sumēdhā mēdhajō dhanyaḥ
satyamēdhā dharādharaḥ||80||
tējō vr̥ṣō dyutidharaḥ
sarvaśastrabhr̥tāṁ varaḥ|
pragrahō nigrahō vyagrō
naika śr̥ṅgō gadāgrajaḥ||81||
caturmūrtiścaturbhāhuḥ
caturvyūhaścaturgatiḥ|
caturātmā caturbhāvaḥ
caturvēdavidēkapāt||82||
samāvartō:'nivr̥tātmā
durjayō duratikramaḥ|
durlabhō durgamō durgō
durāvāsō durārihā ||83||
śubhāṅgō lōkasāraṅgaḥ
sutantustantuvardhanaḥ|
indrakarmā mahākarmā
kr̥takarmā kr̥tāgamaḥ||84||
udbhavaḥ sundaraḥ sundō
ratnanābhaḥ sulōcanaḥ|
arkō vājasanaḥ śr̥ṅgī
jayantaḥ sarva vijjayī||85||
suvarṇa bindu rakṣōbhyaḥ
sarvavāgīśvarēśvaraḥ|
mahāhr̥dō mahāgartō
mahābhūtō mahānidhiḥ||86||
kumudaḥ kundaraḥ kundaḥ
parjanyaḥ pāvanō:'nilaḥ|
amr̥tāśō:'mr̥tavapuḥ
sarvajñaḥ sarvatō mukhaḥ||87||
sulabhaḥ suvrataḥ siddhaḥ
śatrujiccatrutāpanaḥ|
nyagrōdhō:'dumbarō :'śvatthaḥ
cāṇūrāndhra niṣūdanaḥ|| 88||
saharciḥsaptajihvaḥ
saptaidhāḥsaptavāhanaḥ|
amūrtiranaghō:'cintyō
bhayakr̥dbhayanāśanaḥ||89||
aṇurbr̥hatkr̥śaḥ sthūlō
guṇabhr̥nnirguṇō mahān|
adhr̥taḥ svadhr̥tyaḥ svāsyaḥ
prāgvaṁśō vaṁśavarthanaḥ||90||
bhārabhr̥t kathitō yōgī
yōgīśaḥ sarvakāmadaḥ|
āśramaḥ śramaṇaḥ kṣāmaḥ
suparṇō vāyuvāhanaḥ|| 91
dhanurdharō dhanurvēdō
daṇḍō damayitā damaḥ|
aparājitaḥ sarvasahō
niyantā:'niyamō:'yamaḥ||92||
sattvavān sāttvikaḥ satyaḥ
satyadharmaparāyaṇaḥ|
abhiprāyaḥ priyārhō:'rhaḥ
priyakr̥t prītivardhanaḥ||93||
vihāyasagatirjyōtiḥ
surucirhutabhugvibhuḥ|
ravarvilōcanaḥ sūryaḥ
savitā ravilōcanaḥ||94||
anantō hutabhugbhōktā
sukhadōnaikajō:'grajaḥ|
anirviṇṇaḥ sadāmarṣī
lōkādhiṣṭhānamadbhutaḥ||95||
sanātsanātanatamaḥ
kapilaḥ kapiravyayaḥ|
svastidaḥ svastikr̥tsvastiḥ
svastibhuk svastidakṣiṇaḥ||96||
araudraḥ kuṇḍalī cakrī
vikramyūrjitaśāsanaḥ|
śabdātigaḥ śabdasahaḥ
śiśiraḥ śarvarīkaraḥ||97||
akrūraḥ pēśalōdakṣō
dakṣiṇaḥ kṣamiṇāṁvaraḥ|
vidvattamō vītabhayaḥ
puṇyaśravaṇakīrtanaḥ||98||
uttāraṇō duṣkr̥tihā
puṇyō duḥsvapnanāśanaḥ|
vīrahā rakṣaṇaḥ santō
jīvanaḥ paryavasthitaḥ||99||
anantarūpō:'nanta śrīḥ
jitamanyurbhayāpahaḥ|
caturaśrō gabhīrātmā
vidiśō vyādiśō diśaḥ|| 100||
anādibhūrbhuvō lakṣmīḥ
suvīrō rucirāṅgadaḥ|
jananō jananmādi
bhīmō bhīma parākramaḥ||101||
ādhāra nilayō:'dhātā
puṣpahāsaḥ prajāgaraḥ|
ūrdhvagaḥ satprathācāraḥ
prāṇadaḥ praṇavaḥ paṇaḥ||102||
pramāṇaṁ prāṇa nilayaḥ
prāṇabhr̥t prāṇa jīvanaḥ|
tattvaṁ tattva vidēkātmā
janmamr̥tyujarātigaḥ||103||
bhūrbhuvaḥ svastarustāraḥ
savitā prapitāmahaḥ|
yajñō yajñapatiryajyā
yajñāṅgō yajñavāhanaḥ||104||
yajñabhr̥d yajñakr̥d yajñī
yajñabhuk yajñasādhanaḥ|
yajñāntakr̥d yajñaguhyam
annamannāda ēva ca||105||
ātmayōniḥ svayaṅjātō
vaikhānaḥ sāmagāyanaḥ|
dēvakī nandanaḥ sraṣṭā
kṣitīśaḥ pāpanāśanaḥ||106||
śaṅkhabhr̥nnandakī cakrī
śāraṅgadhanvā gadādharaḥ|
radhāṅgapāṇi rakṣōbhyaḥ
sarvapraharaṇāyudhaḥ||107||
śrīsarvapraharaṇāyudha ōṁ nama iti||
vanamāli gadī śārṅgī
śaṅkhī cakrī ca nandakī|
śrīmānnārāyaṇō viṣṇuḥ
vāsudēvō:'bhirakṣatu|| 108||
śrīvāsudēvō:'bhirakṣatu ōṁ nama iti|
phalaśrutiḥ
itīdaṁ kīrtanīyasya
kēśavasya mahatmanaḥ|
nāmnāṁ sahasraṁ divyānāṁ
aśēṣēṇa prakīrtitam||1||
ya idaṁ śr̥ṇuyānnityaṁ
yaścāpi parikīrtayēt|
nāśubhaṁ prāpnuyāt kiñcit
sō:'mutrēha ca mānavaḥ||2||
vēdānta gōbrāhmaṇaḥ syāt
kṣatriyō vijayī bhavēt|
vaiśyō dhanasamr̥ddhaḥ syāt
śūdraḥ sukhamavāpnuyāt||3||
dharmārthī prāpnuyāddharmaṁ
arthārthīcārthamāpnuyāt|
kāmānavānuyāt kāmī
prajārthīprāpnuyātprajām||4||
bhaktimān yaḥ sadōtthāya
śucistadgatamānasaḥ|
sahasraṁ vāsudēvasya
nāmnāmētat prakīrtayēt||5||
yaśaḥ prāpnōti vipulaṁ
jñātiprādhānyamēva ca|
acalāṁ śriyamāpnōti
śrēyaḥ prāpnōtyanuttamam||6||
na bhayaṁ kvacidāpnōti
vīryaṁ tējaśca vindati|
bhavatyarōgō dyutimān
balarūpa guṇānvitaḥ||7||
rōgārtō mucyatē rōgāt
baddhō mucyēta bandhanāt|
bhayānmucyētabhītastu
mucyētāpanna āpadaḥ||8||
durgāṇyatitaratyāśu
puruṣaḥ puruṣōttamam|
stuvannāmasahasrēṇa
nityaṁ bhakti samanvitaḥ||9||
vāsudēvaśrayō martyō
vāsudēvaparāyaṇaḥ|
sarvapāpaviśuddhātmā
yāti brahma sanātanam||10||
na vāsudēva bhaktānām
aśubhaṁ vidyatē kvacit|
janmamr̥tyujarāvyādhi
bhayaṁ naivōpajāyatē||11||
imaṁ stavamadhīyānaḥ
śraddhābhakti samanvitaḥ|
yujyētātma sukhakṣānti
śrīdhr̥ti smr̥ti kīrtibhiḥ||12||
na krōdhō na ca mātsaryaṁ
na lōbhō nāśubhāmatiḥ|
bhavanti kr̥tapuṇyānāṁ
bhaktānāṁ puruṣōttamē||13||
dyauḥ sacandrārkanakṣatrā
khaṁ diśō bhūrmahōdadhiḥ|
vāsudēvasya vīryēṇa
vidhr̥tāni mahātmanaḥ||14||
sasurāsuragandharvaṁ
sayakṣōragarākṣasaṁ|
jagadvaśē vartatēdaṁ
kr̥ṣṇasya sa carācaram||15||
indriyāṇi manō buddhiḥ
sattvaṁ tējō balaṁ dhr̥tiḥ|
vāsudēvātmakānyāhuḥ
kṣētraṁ kṣētrajñamēva ca ||16||
sarvāgamānāmācāraḥ
prathamaṁ parikalpatē|
acaraprabhavō dharmō
dharmasya prabhuracyutaḥ||17||
r̥ṣayaḥ pitarō dēvā
mahābhūtāni dhātavaḥ|
jaṅgamājaṅgamaṁ cēdaṁ
jagannārāyaṇōdbhavaṁ||18||
yōgōjñānaṁ tathā sāṅkhyaṁ
vidyāḥ śilpādikarmaca|
vēdāḥ śāstrāṇi vijñānam
ētatsarvaṁ janārdanāt||19||
ēkō viṣṇurmahadbhūtaṁ
pr̥thagbhūtānyanēkaśaḥ|
trōlōkānvyāpya bhutātmā
bhuṅktē viśvabhugavyayaḥ||20||
imaṁ stavaṁ bhagavatō
viṣṇōrvyāsēna kīrtitaṁ|
paṭhēdya iccētpuruṣaḥ
śrēyaḥ prāptuṁ sukhānica||21||
viśvēśvaramajaṁ dēvaṁ
jagataḥ prabhumavyayam|
bhajanti yē puṣkarākṣaṁ
na tē yānti parābhavaṁ || 22 ||
viśvēśvaramajaṁ dēvaṁ
jagataḥ prabhumavyayaṁ|
bhajanti yē puṣkarākṣaṁ
na tē yānti parābhavaṁ||22|
natē yānti parābhavaṁ ōṁ nama iti||
arjuna uvāca
padmapatra viśālākṣa
padmanābha surōttama |
bhaktānā manuraktānāṁ
trātā bhava janārdana || 23 ||
śrībhagavānuvāca
yō māṁ nāmasahasrēṇa
stōtumicchati pāṇḍava |
sō:'hamēkēna ślōkēna
stuta ēva na saṁśayaḥ || 24 ||
stuta ēva na saṁśaya ōṁ nama iti |
vyāsa uvāca
vāsanādvāsudēvasya
vāsitaṁ bhuvanatrayam |
sarvabhūtanivāsō:'si
vāsudēva namō:'stu tē || 25 ||
śrīvāsudēva namōstuta ōṁ nama iti |
pārvatyuvāca
kēnōpāyēna laghunā
viṣṇōrnāmasahasrakaṁ |
paṭhyatē paṇḍitairnityaṁ
śrōtumicchāmyahaṁ prabhō || 26 ||
īśvara uvāca
śrīrāma rāma rāmēti
ramē rāmē manōramē |
sahasranāma tattulyaṁ
rāmanāma varānanē || 27 ||
śrīrāma nāma varānana ōṁ nama iti |
brahmōvāca
namō:'stvanantāya sahasramūrtayē
sahasrapādākṣiśirōrubāhavē |
sahasranāmnē puruṣāya śāśvatē
sahasrakōṭī yugadhāriṇē namaḥ || 28 ||
śrī sahasrakōṭī yugadhāriṇē nama ōṁ nama iti |
saṁjaya uvāca
yatra yōgēśvaraḥ kr̥ṣṇō
yatra pārthō dhanurdharaḥ |
tatra śrīrvijayō bhūtiḥ
dhr̥vā nītirmatirmama || 29 ||
śrī bhagavān uvāca
ananyāścintayantō māṁ
yē janāḥ paryupāsatē |
tēṣāṁ nityābhiyuktānāṁ
yōgakṣēmaṁ vahāmyaham| || 30 ||
paritrāṇāya sādhūnāṁ
vināśāya ca duṣkr̥tām| |
dharmasaṁsthāpanārthāya
sambhavāmi yugē yugē || 31 ||
ārtāḥ viṣaṇṇāḥ śithilāśca bhītāḥ
ghōrēṣu ca vyādhiṣu vartamānāḥ |
saṅkīrtya nārāyaṇaśabdamātraṁ
vimuktaduḥkhāḥ sukhinō bhavanti || 32 ||
kāyēna vācā manasēndriyairvā
buddhyātmanā vā prakr̥tēḥ svabhāvāt |
karōmi yadyatsakalaṁ parasmai
nārāyaṇāyēti samarpayāmi || 33 ||
||ōm viṣṇusahasranāma stōtra pārāyaṇaṁ samāptaṁ||
||ōm tat sat||